paksahafat پاک صحافت
Related Articles
بغداد {پاک صحافت} عراق کے عبوری وزیراعظم نے دہشت گرد گروہ داعش کے نام نہاد خلیفہ ابوبکر البغدادی کے قریبی ساتھی کی گرفتاری کا اعلان کیا ہے۔
عراق کے عبوری وزیر اعظم مصطفی الکاظمی نے پیر کو اعلان کیا کہ ابوبکر البغدادی کے نائب اور داعش کے مالی معاملات کے انچارج سمیع جاسم کو عراقی خفیہ ایجنسیوں کے بیرون ملک ایک پیچیدہ آپریشن کے دوران گرفتار کیا گیا ہے۔
اس خبر کا اعلان کرتے ہوئے مصطفیٰ الکاظمی نے ملک کے سیکورٹی اہلکاروں اور خفیہ اداروں کی کوششوں کو سراہا۔
عراقی وزیر اعظم نے اتوار کو اپنا ووٹ کاسٹ کرتے ہوئے کہا کہ وہ کل سیکورٹی معاملات سے متعلق اہم خبروں کا اعلان کرنے والے ہیں لیکن نہیں چاہتے تھے کہ اس خبر کا انتخابی عمل پر منفی اثر پڑے۔
آگاہ رہے کہ ابوبکر البغدادی 2010 سے 2019 تک دہشت گرد گروہ داعش کا سرغنہ تھا ، جو مارا جا چکا ہے۔ اس دہشت گرد گروہ نے امریکہ ، سعودی عرب اور اسرائیل کی اسٹریٹجک اور مالی مدد سے کئی سالوں تک عراق کے مختلف شہروں پر قبضہ کیا اور اس دوران بے شمار جرائم کا ارتکاب کیا۔
