paksahafat پاک صحافت
Related Articles
(پاک صحافت) مصری ذرائع نے وال سٹریٹ جرنل کو بتایا کہ مصری حکومت اسرائیلی حکومت کے ساتھ اپنے تعلقات کو کم کرنے پر غور کر رہی ہے۔
تفصیلات کے مطابق وال سٹریٹ جرنل نے متعدد مصری حکام کا حوالہ دیتے ہوئے دعوی کیا ہے کہ قاہرہ رفح پر اسرائیلی فوج کے حملے کے بعد تل ابیب کے ساتھ اپنے سفارتی تعلقات کم کرنے پر غور کر رہا ہے مصر (کم از کم سرکاری سطح پر) مصری سرحد کے قریب واقع شہر رفح پر اسرائیلی حکومت کے زمینی حملے کی مخالفت کرتا ہے۔ قاہرہ میں اپنے امریکی ہم منصب کے ساتھ ایک مشترکہ ملاقات میں مصری وزیر خارجہ سامح شکری نے رواں ہفتے خبردار کیا تھا کہ غزہ کی پٹی اور خاص طور پر فلسطینی شہر رفح میں اسرائیلی فوجی کارروائیوں کا جاری رہنا تباہ کن انسانی نتائج کے علاوہ سنگین نتائج کا باعث بن سکتا ہے۔
مصر کی یہی ظاہری تشویش اور بے چینی تھی جس نے امریکی وزیر خارجہ کو قاہرہ جانے اور مصری حکام سے اس بارے میں بات کرنے پر مجبور کیا۔ مصر بین الاقوامی قانونی حکام میں اسرائیلی حکومت کے خلاف کارروائیوں اور مجرمانہ مقدمات کھولنے کی بھی حمایت کرتا ہے، جیسا کہ جنوبی افریقہ کی کارروائی۔
