فلسطینی علاقوں میں یورپی یونین کے نمائندے نے غزہ میں کورونا وائرس ویکسین پہونچانے کا وعدہ کردیا

فلسطینی علاقوں میں یورپی یونین کے نمائندے نے غزہ میں کورونا وائرس ویکسین پہونچانے کا وعدہ کردیا

فلسطینی علاقوں میں یورپی یونین کے نمائندے سوین کوہن وان برگڈورف نے غزہ میں خاص طور پر طبی سہولیات کے لیے کام کرنے والے افراد کے لیے  کورونا ویکسین پہنچانے کا وعدہ کیا ہے۔

کل منگل کو غزہ میں یورپی یونین کے نمائندوں کے ہمراہ دورے کے موقع پر برگ ڈورف نے کہا کہ ہم فلسطینی مقصد کے لیے اپنی مدد کی پیش کش کرنے آئے ہیں اور ہم فلسطینی استحکام کے حصول کے لیے پوری کوشش کریں گے، ان کا کہنا تھا کہ ہم غزہ کو فلسطین کا اٹوٹ انگ سمجھتے ہیں۔

یورپی عہدیدار نے غزہ میں ہر فرد کی زندگی یقینی بنانے اور انسانی حقوق اور تعلیم کے حق کو فروغ دینے پر زور دیا۔

کل فلسطینی اتھارٹی کے لیے یورپی یونین کے سفارت کاروں مشن کا وفد کرونا وبائی امراض کے تناظر میں غزہ کی  پٹی میں صحت کی صورتحال کا جائزہ لینے کے لیے غزہ پہنچا، وفد نے یورپی ہسپتال کا دورہ کیا جہاں پر کرونا کے متاثرہ مریضوں کو داخل کیا گیا ہے۔

یورپی یونین کے دفتر نے پیر کے روز جاری کردہ ایک بیان میں کہا تھا یہ دورہ فلسطینی آبادی سے اظہار یکجہتی کرنے اور کورونا نمٹنے میں فلسطینی انتظامیہ کی مدد کرنے کے زمرے میں آتا ہے۔

جواب چھوڑ دیں

براہ مہربانی اپنی رائے درج کریں!
اپنا نام یہاں درج کریں