paksahafat پاک صحافت
Related Articles
امریکی کانگریس کی سربراہ نینسی پلوسی نے ملک کے صدر ڈونلڈ ٹرمپ کی بے عزتی کرتے ہوئے کہا کہ وہ ٹرمپ کو وائٹ ہاؤس سے بال پکڑ کر باہر نکالے جانے کے وقت کا انتظار کر رہی ہیں کیونکہ ڈونلڈ ٹرمپ اتنی آسانی سے اقتدار چھوڑنے والے نہیں ہیں لہٰذا بہتر ہوگا کہ انہیں گھسیٹ کروائٹ ہاؤس سے باہرپھینکا جائے۔
پولیٹکو کے مطابق نینسی پلوسی نے اپنے زیر نظر کام کرنے والی ٹیم سے کہا کہ میں گھنٹے گن رہی ہوں کہ وہ کب باہر کئے جائيں گے،ان کا کہنا تھا کہ میں ان کا بال پکڑ کر، ان کے لٹل ہینڈس اور پیر پکڑ کر گھسیٹ کر نکالے جانے کا منصوبہ بنا رہی ہوں۔
ایک طرف منتخب صدر جو بائیڈن امریکیوں سے اتحاد اور ہمدردی کا مظاہرہ کرنے کی سفارش کر رہے ہیں وہیں نینسی پلوسی کے دل میں کچھ اور ہی ہے، نینسی پلوسی کے تازہ بیان سے ایک بار پھر یہ واضح ہو گیا ہے کہ ٹرمپ اور پلوسی کے درمیان لفظی جنگ بدستور جاری رہے گی۔
رپورٹ کے مطابق دونوں رہنماؤں کے درمیان اکتوبر 2019 میں ہوئے اجلاس کے وقت سے گفتگو نہیں ہوئی ہے جس میں ٹرمپ نے پلوسی کو تیسرے درجے کی رہنما کہا تھا اور پلوسی نے نامہ نگاروں سے کہا تھا کہ انہیں ٹرمپ کے دماغ کے صحت مند رہنے کی دعا کرنی ہوگی۔
