paksahafat پاک صحافت
Related Articles
پاک صحافت غزہ میں فلسطینیوں کے خلاف ناجائز صیہونی حکومت ہی نہیں بلکہ امریکہ بھی اس کی حمایت کر رہا ہے۔
اسرائیل نے اعتراف کیا ہے کہ امریکہ غزہ کی نسل کشی میں اس کی عملی حمایت کر رہا ہے۔ ناجائز صیہونی حکومت کی وزارت جنگ نے بدھ کے روز ایک بیان جاری کیا جس میں کہا گیا ہے کہ غزہ جنگ کے دوران اس نے امریکہ سے 10 ہزار ٹن سے زیادہ دھماکہ خیز مواد اور جنگی سازوسامان حاصل کیا ہے۔
الجزیرہ ٹی وی چینل کے مطابق صہیونی جنگ کی وزارت نے اپنے بیان میں لکھا ہے کہ 200 امریکی طیارے، جنگی سازوسامان اور اسلحہ نیز امریکی بکتر بند گاڑیاں صیہونی حکومت کے پاس پہنچ چکی ہیں۔ اس سے قبل وائٹ ہاؤس کے قومی سلامتی کے ترجمان جان کربی نے ایم ایس این بی سی ٹیلی ویژن چینل کو اپنے انٹرویو میں کہا تھا کہ امریکا اسرائیل کو روزانہ سیکیورٹی امداد فراہم کر رہا ہے۔ ہم خطے کے پانیوں میں بھی اپنی موجودگی کو مضبوط کر رہے ہیں۔
دوسری جانب امریکی وزارت دفاع پینٹاگون نے بتایا ہے کہ دسیوں امریکی کمانڈوز اسرائیل میں موجود ہیں۔ اگرچہ امریکی وزارت دفاع کے ایک اہلکار کرسٹوفر پی میئر نے ان کمانڈوز کی صحیح تعداد ظاہر نہیں کی تاہم بعض دیگر امریکی حکام کا کہنا ہے کہ حالیہ ہفتوں میں دسیوں امریکی کمانڈوز اسرائیل بھیجے گئے ہیں۔
