سزا

امریکی کانگریس پر حملے کے الزام میں ٹرمپ کے حامی کو 18 سال قید کی سزا سنادی گئی

پاک صحافت امریکہ میں اوتھ کیپرز نامی شدت پسند تنظیم کے سربراہ کو 6 جنوری 2021 کو کانگریس پر حملے کے الزام میں 18 سال قید کی سزا سنائی گئی ہے۔ اس معاملے میں یہ اب تک کی سب سے سخت سزا ہے۔

فیڈرل کورٹ کے جج امیت مہتا نے فیصلہ سناتے ہوئے سٹیورٹ روڈس کو 18 سال قید کی سزا سناتے ہوئے کہا کہ آپ ملک کے لیے خطرہ ہیں۔

اس سے قبل عدالت نے اسی مقدمے میں پراؤڈ بوائز نامی شدت پسند تنظیم کے چار افراد کو سزا سنائی تھی۔

خیال رہے کہ کانگریس پر حملے کے سلسلے میں 900 سے زیادہ لوگوں کو حراست میں لیا گیا تھا، لیکن ان میں سے بہت کم لوگوں پر سازش اور فساد بھڑکانے کا الزام ہے۔

الیکشن میں ٹرمپ کی شکست اور جو بائیڈن کی جیت نے ٹرمپ کے حامیوں میں غصے کی آگ بھڑکائی اور انہوں نے کانگریس کی عمارت پر حملہ کرکے بہت ہنگامہ کھڑا کردیا۔

اس واقعے کو امریکی جمہوریت کی تاریخ میں ایک بدنما داغ کے طور پر دیکھا جاتا ہے۔

یہ بھی پڑھیں

برٹش

برطانوی دعویٰ: ہم سلامتی کونسل کی جنگ بندی کی قرارداد پر عملدرآمد کے لیے پوری کوشش کریں گے

پاک صحافت برطانوی نائب وزیر خارجہ نے دعویٰ کیا ہے کہ لندن حکومت غزہ میں …

جواب دیں

آپ کا ای میل ایڈریس شائع نہیں کیا جائے گا۔ ضروری خانوں کو * سے نشان زد کیا گیا ہے