paksahafat پاک صحافت
Related Articles
پاک صحافت کانگریس لیڈر راہل گاندھی نے کہا تھا کہ وزیر اعظم مودی پوری کوشش کریں گے کہ اڈانی کے مسئلہ پر پارلیمنٹ میں بحث نہ ہو۔
بھارتی میڈیا کے مطابق راہول گاندھی کا کہنا ہے کہ حکومت اڈانی گروپ سے متعلق معاملے پر پارلیمنٹ میں بات کرنے سے ہچکچا رہی ہے۔ انہوں نے کہا کہ اڈانی معاملہ پر پارلیمنٹ میں بحث ہونی چاہئے۔
راہل گاندھی کے مطابق اگر اڈانی گروپ سے جڑے معاملے پر پارلیمنٹ میں بحث ہوتی ہے تو دودھ کا دودھ اور پانی کا پانی ہو جائے گا۔ انہوں نے کہا کہ اس طرح پورے ملک کو پتہ چل جائے گا کہ گوتم اڈانی کے پیچھے کون ہے؟
کانگریس لیڈر راہل گاندھی نے کہا تھا کہ وزیر اعظم مودی پوری کوشش کریں گے کہ اڈانی کے مسئلہ پر پارلیمنٹ میں بحث نہ ہو۔ حکومت پارلیمنٹ میں اس پر بحث کرنے سے ڈرتی ہے۔ راہل گاندھی نے کہا کہ میں یہ مسئلہ پچھلے دو تین سالوں سے اٹھا رہا ہوں۔ انہوں نے کہا کہ ہم چاہتے ہیں کہ اڈانی کے مسئلہ پر پارلیمنٹ میں بحث کی جائے تاکہ حقیقت سامنے آئے۔
لاکھوں کروڑوں کی کرپشن ہوئی ہے۔ بھارت کے انفراسٹرکچر پر قبضہ کرنے کی کوشش کی گئی ہے۔ اب ملک کو معلوم ہونا چاہیے کہ اس کے پیچھے کون ہے؟
واضح رہے کہ امریکہ میں قائم مالیاتی تحقیقی کمپنی ہنڈن برگ ریسرچ نے بھارتی صنعت کار گوتم اڈانی کی قیادت والے کاروباری گروپ کے خلاف کئی سنگین الزامات عائد کیے ہیں جن میں فراڈ لین دین اور حصص کی قیمتوں میں ہیرا پھیری شامل ہے۔ ہندنبرگ کی رپورٹ سامنے آنے کے بعد اڈانی کی دولت میں نمایاں کمی آئی ہے۔ اب وہ دنیا کے دوسرے امیر ترین شخص کی فہرست سے بہت نیچے چلا گیا ہے۔ اس کی دولت بھی روز بروز کم ہو رہی ہے۔
