paksahafat پاک صحافت
Related Articles
پاک صحافت جزیرہ نما کوریا میں میزائل داغنے کے مقابلے شروع ہو گئے ہیں اور گزشتہ دو دنوں کے دوران ناتو کے زیر قبضہ علاقے میں درجنوں میزائل داغے جا چکے ہیں۔
جمعرات کی علی الصبح شمالی کوریا نے ایک بار پھر جاپان کی سمت میزائل داغے جس سے جاپان میں ہلچل مچ گئی اور شہری محفوظ پناہ گاہوں میں پناہ لینے پر مجبور ہوگئے۔
شمالی کوریا کی جانب سے میزائل داغے جانے کے بعد جاپان نے اپنے کچھ علاقوں میں شہریوں کو گھروں یا زیر زمین بنکروں میں چھپنے کا مشورہ دیا ہے۔
اس سے قبل بدھ کو شمالی کوریا نے جنوبی کوریا کی جانب 23 میزائل داغے تھے جو اب تک ایک دن میں داغے گئے سب سے زیادہ میزائل تھے۔ ان میں سے ایک میزائل جنوبی کوریا کے ساحل سے صرف 60 کلومیٹر دور گرا۔
جواب میں جنوبی کوریا نے بھی شمالی کوریا کی جانب فضا سے زمین پر مار کرنے والے 3 میزائل داغے۔
جنوبی کوریا اور امریکہ کے درمیان جنگی مشقوں کے آغاز کے بعد شمالی کوریا نے وارننگ دی تھی جس کے بعد اس نے یہ جارحانہ قدم اٹھایا ہے۔
جنوبی کوریا اور امریکہ اس وقت بحر الکاہل میں اب تک کی سب سے بڑی جنگی مشقیں کر رہے ہیں۔ اس حوالے سے شمالی کوریا نے کہا تھا کہ اس طرح کی فوجی ڈھٹائی اور اشتعال انگیز کارروائیوں کو مزید برداشت نہیں کیا جا سکتا۔
