paksahafat پاک صحافت
Related Articles
(پاک صحافت) یورپی یونین کے کچھ رکن ممالک بشمول آئرلینڈ اور اسپین 21 مئی کو فلسطینی ریاست کو تسلیم کرنے پر غور کر رہے ہیں۔
تفصیلات کے مطابق آئرلینڈ، اسپین، سلووینیا اور مالٹا کے درمیان فلسطینی ریاست کو تسلیم کرنے پر رابطے بڑھ گئے ہیں۔ آئرش ریڈیو اور ٹیلی ویژن نیٹ ورک نے اطلاع دی ہے کہ آئرلینڈ کے نائب وزیراعظم اور وزیر خارجہ اور دفاع کے ترجمان “مائیکل مارٹن” نے کہا کہ یہ مذاکرات فی الحال جاری ہیں۔
اس رپورٹ کے مطابق یورپی یونین کے بعض رکن ممالک بشمول آئرلینڈ اور اسپین 21 مئی کو فلسطین کو تسلیم کرنے کا اعلان کریں گے۔ واضح رہے کہ آئرلینڈ، سلووینیا، مالٹا اور ناروے اسپین کی قیادت میں فلسطین کی ریاست کو تسلیم کرنے کے منصوبے کی حمایت کرتے ہیں۔
ریاست فلسطین کو اس وقت یورپی یونین کے آٹھ ارکان تسلیم کرتے ہیں، جن میں بلغاریہ، پولینڈ، جمہوریہ چیک، رومانیہ، سلوواکیہ، ہنگری، قبرص اور سویڈن شامل ہیں۔
