paksahafat پاک صحافت
Related Articles
پاک صحافت شمال مغربی بنگلہ دیش میں دریائے کوروٹہ میں زائرین کو لے جانے والی کشتی الٹنے سے جہاز میں سوار کم از کم 24 افراد ہلاک اور ایک درجن سے زائد لاپتہ ہو گئے۔
یہ جانکاری دیتے ہوئے حکام نے بتایا کہ یہ واقعہ بنگلہ دیش کے ضلع پنچ گڑھ میں اس وقت پیش آیا جب مہالیہ کے موقع پر عقیدت مند ایک کشتی میں بوڈیشوری مندر جا رہے تھے۔
پنچ گڑھ کے ذیلی ضلع بوڈا کے انتظامی سربراہ سلیمان علی نے صحافیوں کو بتایا کہ کشتی الٹنے سے تقریباً 24 افراد ہلاک ہو گئے ہیں۔ مرنے والوں میں 8 کمسن بچے اور 12 خواتین شامل ہیں، جن میں سے کچھ کو مقامی ہسپتال لایا جانے کے بعد مردہ قرار دے دیا گیا۔
علی نے کہا کہ فائر فائٹرز اور مقامی غوطہ خور لاپتہ کی تلاش کر رہے ہیں۔ انہوں نے بتایا کہ کشتی میں 70 سے 80 مسافروں کے سوار ہونے کا اندازہ ہے۔ علی نے کہا کہ انجن سے چلنے والی کشتی درگا پوجا کے تہوار کے موقع پر عقیدت مندوں کو صدیوں پرانے بوڈیشوری مندر لے جا رہی تھی۔
بنگلہ دیش کے صدر عبدالحمید اور وزیر اعظم شیخ حسینہ نے واقعے پر افسوس کا اظہار کیا اور مقامی حکام کو حکم دیا کہ وہ زندہ بچ جانے والوں کے علاج اور مرنے والوں کے لیے معاوضہ فراہم کرنے کے لیے فوری اقدامات کریں۔
