paksahafat پاک صحافت
Related Articles
نئی دہلی {پاک صحافت} ایک نوجوان مسلم کارکن جس کا گھر دائیں بازو کی یوگی حکومت کے اہلکاروں نے مسمار کر دیا تھا، نے کہا ہے کہ اسے اور اس کے خاندان کو پیغمبر اسلام کی توہین کے خلاف آواز اٹھانے پر سزا دی گئی ہے۔
اتوار کو پولیس کے ایک بڑے ہجوم کی موجودگی میں آفرین فاطمہ کے گھر کو بلڈوز کر دیا گیا جسے درجنوں صحافیوں نے کیمرے میں قید کر لیا۔
جلد ہی دو منزلہ عمارت ملبے میں ڈھل گئی اور فرنیچر، کتابیں اور کچھ تصاویر اٹھا کر قریبی خالی پلاٹ میں پھینک دی گئیں۔ ان میں ایک پوسٹر بھی تھا جس پر لکھا تھا: جب ناانصافی قانون کی شکل اختیار کر لیتی ہے تو مزاحمت فرض بن جاتی ہے۔
یہ تخریبی کارروائی حکمراں جماعت بی جے پی کے دو رہنماؤں کی جانب سے پیغمبر اسلام کی توہین کے چند دن بعد ہندوستانی مسلمانوں کے احتجاج کے بعد سامنے آئی ہے۔
بی جے پی کے ترجمان کے پیغمبر اسلام کے خلاف ریمارکس کے بعد اس کے خلاف بین الاقوامی سطح پر آواز اٹھی تھی جس کے بعد بی جے پی نے اپنے ترجمانوں کو معطل اور نکال دیا تھا۔
بھارت کے مختلف شہروں میں مسلمانوں کی جانب سے نماز جمعہ کے بعد احتجاجی مظاہرے کیے گئے جو کچھ مقامات پر پرتشدد ہو گئے۔
پریاگ راج پولیس ایف آئی آر میں 70 لوگوں کو نامزد کیا گیا ہے، اور ان کے خلاف 29 سنگین دفعات کے تحت مقدمات درج کیے گئے ہیں۔
گھر سے برآمد ہونے والے دستاویزات کے بارے میں ایس ایس پی اجے کمار نے کہا: ان میں آفرین فاطمہ کے والد جاوید محمد عرف جاوید پمپ کے عدالت پر سخت اور قابل اعتراض ریمارکس ہیں۔
پولیس کا کہنا ہے کہ ان تمام چیزوں کو شواہد میں شامل کیا جائے گا تاکہ انہیں عدالت میں پیش کیا جا سکے۔
پولیس نے یہ بھی کہا ہے کہ گھر سے کچھ کتابیں، لٹریچر، جھنڈے، پوسٹر، بینر وغیرہ ملے ہیں، ان سب کی تحقیقات کی جائیں گی کہ یہ کس نے لکھا، کیوں لکھا اور اس کی نیت کیا ہے۔
