paksahafat پاک صحافت
Related Articles
واشنگٹن {پاک صحافت} امریکی قانون سازوں نے بائیڈن پر زور دیا ہے کہ وہ کانگریس کی منظوری کے بغیر روس کے خلاف کوئی کارروائی نہ کریں۔
امریکی قانون سازوں نے ملک کے صدر کو ایک خط لکھا ہے، جس میں ان پر زور دیا ہے کہ وہ یوکرین کے بحران پر روس کے خلاف کسی بھی فوجی مداخلت سے قبل کانگریس سے اجازت لیں۔
اس خط میں کہا گیا ہے کہ کسی بھی قسم کی فوجی مداخلت سے پہلے امریکی عوام کو اس سے پوری طرح آگاہ ہونا چاہیے۔ خط کے مطابق اگر بائیڈن کی حکومت کسی قسم کی فوجی مداخلت چاہتی ہے تو پہلے کانگریس سے بات کرے اور کانگریس اس کام کے لیے تیار ہے۔
امریکی قانون سازوں کا کہنا ہے کہ ہمیں سب سے پہلے ملک کے عوام کو بین الاقوامی بحران میں امریکہ کی مداخلت سے آگاہ کرنا ہوگا۔
دریں اثناء امریکی وزیر خارجہ نے اپنے روسی ہم منصب کے ساتھ آئندہ ملاقات منسوخ کر دی ہے۔ یاد رہے کہ روس کی جانب سے ڈونیٹسک اور لوہانسک کو تسلیم کرنے کے بعد امریکا نے بعض روسی حکام اور بینکوں کے خلاف پابندیاں عائد کر دی ہیں۔
قابل ذکر ہے کہ گزشتہ دو ماہ سے مغربی میڈیا یہ کہہ رہا تھا کہ روس نے یوکرین کی سرحد کے قریب اپنی فوجیں تعینات کر دی ہیں اور وہ کسی بھی وقت حملہ کر سکتا ہے۔ ان خبروں کی وجہ سے مشرقی یورپ میں کشیدگی مسلسل بڑھ رہی تھی۔
اب یہ کشیدگی روس کی جانب سے ڈونیٹسک اور لوہانسک کو تسلیم کرنے کے بعد بڑھ گئی ہے۔
