paksahafat پاک صحافت
Related Articles
پیرس {پاک صحافت} فرانسیسی سینیٹ نے کھیلوں کے مقابلوں میں حجاب پر پابندی کے حق میں ووٹ دیتے ہوئے کہا ہے کہ کھیل کے میدان میں سب کو یکساں مواقع اور سہولیات ملنی چاہئیں۔
فرانسیسی پارلیمان کے ایوان بالا نے منگل کو اس قانون میں ترمیم کے لیے ووٹ دیا جس میں کھیلوں کی فیڈریشن کے زیر نگرانی منعقد ہونے والے مقابلوں میں مذہبی علامات پہن کر شرکت پر پابندی عائد کی جائے گی۔
سینیٹرز کا کہنا تھا کہ اس ترمیم کا مقصد کھیلوں کے مقابلوں میں حجاب پر پابندی لگانا ہے کیونکہ سر پر سکارف پہننے والے کھلاڑیوں کی جان کو خطرہ ہے۔
اس ترمیم کی فرانس کی دائیں بازو کی جماعت نے حمایت کی تھی، جب کہ حکومت نے اس کی مخالفت کی تھی، تاہم اسے منظور کر لیا گیا کیونکہ اس کے حق میں 160 اور مخالفت میں 143 ووٹ آئے۔
سینیٹرز نے کہا کہ کھیلوں میں حجاب پر پابندی نہ لگائی گئی تو آنے والے وقت میں مذہبی علامتوں کا استعمال بڑھے گا۔
فرانس ان ممالک میں سے ایک ہے جہاں اسلامو فوبیا خوفناک طریقے سے پھیل رہا ہے اور ان ممالک میں مسلمانوں پر بار بار حملے ہو رہے ہیں۔
