paksahafat پاک صحافت
Related Articles
پاک صحافت جنوبی کوریا کے نائب وزیر خارجہ چوئی جنگ کان ایک وفد کے ساتھ ویانا کا دورہ کر رہے ہیں جہاں وہ ایران کو فنڈز جاری کرنے کے معاملے پر بات کریں گے۔
جنوبی کوریا کی وزارت خارجہ نے اعلان کیا ہے کہ اس کے نائب وزیر خارجہ ایران اور مغرب کے نمائندوں کے ساتھ بات چیت کے لیے ویانا جائیں گے اور ایران کے اثاثوں کی رہائی کے لیے اقدامات کا تعین کریں گے۔
جنوبی کوریا کی وزارت خارجہ نے منگل کو ایک پریس ریلیز میں کہا ہے کہ جنوبی کوریا میں بند ایران کے اثاثوں کی رہائی کے لیے راستے تلاش کیے جائیں گے۔
جنوبی کوریا کا وفد ویانا میں امریکا، فرانس، جرمنی اور برطانیہ کے نمائندوں سے مذاکرات کرے گا جب کہ وہ ایران کے نمائندوں سے بھی ملاقات کرے گا۔
اسلامی جمہوریہ ایران ویانا میں جوہری معاہدے میں شامل ممالک کے ساتھ مذاکرات کر رہا ہے جس میں ایران پر سے امریکہ کی پابندیوں کو ہٹانے اور جوہری معاہدے کے وعدوں پر مکمل عمل درآمد کے موضوع پر بات چیت ہو رہی ہے۔
