paksahafat پاک صحافت
Related Articles
کابل {پاک صحافت} افغانستان کے وزیر خارجہ کا کہنا ہے کہ پاکستان کے تعاون کے بغیر ان کے ملک میں خونریزی روکنا ممکن نہیں ہے۔
محمد حنیف اتمر نے اپنے ترکمن ہم منصب کے ساتھ مشترکہ پریس کانفرنس میں کہا کہ پاکستان کے تعاون کے بغیر خونریزی روکنا اور افغانستان میں امن کی بحالی تقریبا ناممکن ہے۔
انہوں نے پاکستان کے ساتھ افغانستان کے کشیدہ تعلقات پر افسوس کا اظہار کرتے ہوئے کہا کہ ہم پاکستان کے ساتھ تعاون کے لئے پرعزم ہیں۔ محمد حنیف نے کہا کہ ہم پاکستان کے ساتھ کسی بھی قیمت پر بات چیت جاری رکھنا چاہتے ہیں۔
اگرچہ افغانستان کے وزیر خارجہ نے تعاون کی بات کی ہے ، لیکن اس ملک کے قومی سلامتی کے مشیر حمد اللہ محیب کے پاکستان مخالف بیان پر ، پاکستان نے افغانستان کے ساتھ باضابطہ طور پر اپنے تعلقات منقطع کردیئے ہیں۔
دریں اثنا ، افغانستان کے وزیر خارجہ نے طالبان سے خطاب کرتے ہوئے کہا کہ انہیں مذاکرات کا آپشن ہاتھ سے جانے نہیں دینا چاہئے۔
