paksahafat پاک صحافت
Related Articles
واشنگٹن (پاک صحافت) امریکہ کے سابق قومی سلامتی کے مشیر جان بولٹن کا کہنا ہے کہ روس کے ساتھ جوہری تنازع کا خطرہ ماضی کی نسبت شدت اختیار کرگیا ہے۔
تفصیلات کے مطابق بولٹن نے ایک ریڈیو چینل کے پروگرام میں گفتگو کرتے ہوئے کہا ہے کہ جوہری ہتھیاروں کے استعمال کا ممکنہ خطرہ میدان جنگ کو تبدیل کرنا نہیں بلکہ روسی صدر ولادیمیر پوٹن کی اندرون ملک پوزیشن کو مضبوط کرنا ہے۔ پیوٹن اس وقت تک جوہری ہتھیار استعمال نہیں کریں گے جب تک کہ یوکرین کی افواج روسی سرحد کو عبور کرنے میں کامیاب نہ ہو جائیں۔
جان بولٹن کا مزید کہنا تھا کہ روس کے صدر اب جنگ شروع ہونے سے زیادہ مشکل میں ہیں اور ہمیں سوچنا ہے کہ اس مسئلے سے کیسے فائدہ اٹھایا جائے۔ دوسری جانب روس اور یوکرین کے درمیان فوجی تنازعات میں حال ہی میں اضافہ ہوا ہے اور یوکرین کی فوج نے دعویٰ کیا ہے کہ اس نے ماسکو کی افواج کے خلاف بڑے پیمانے پر جوابی حملے شروع کیے ہیں۔
