paksahafat پاک صحافت
Related Articles
کراچی (پاک صحافت) معروف پاکستانی اداکارہ اشنا شاہ نے ہالی ووڈ کے نئے پراجیکٹس میں جنوبی ایشیا کے اداکاروں کو مرکزی کرداروں میں کاسٹ کیے جانے کے بڑھتے ہوئے رجحان کو دیکھ کر خوشی کا اظہارکیا ہے۔ اشنا شاہ کا کہنا ہے کہ ’برجرٹن نے انٹرٹینمنٹ انڈسٹری میں جنوبی ایشیاکے اداکاروں کے لیے بہت زیادہ جگہ بنائی ہے۔‘
تفصیلات کے مطابق اشنا شاہ نے مائیکروبلاگنگ ویب سائٹ ٹوئٹر پر پروڈیوسر شونڈا رائمز کی نیٹ فلکس سیریز ’برجرٹن‘کے اہم کرداروں میں جنوبی ایشیا کے اداکاروں کو کاسٹ کرنے پر تعریف کی ہے۔ اُنہوں نے لکھا کہ’خدا شونڈا رائمز کو سلامت رکھے۔‘ اُنہوں نے مزید لکھا کہ’بالآخر، ناصرف مخصوص کرداروں میں بلکہ اہم کرداروں میں نظر آنا حیرت انگیز بات ہے۔‘
واضح رہے کہ شونڈلینڈ کی حمایت یافتہ سیریز ’برجرٹن‘ کے دوسرے سیزن میں کیٹ شرما اور ایڈوینا شرما نامی دو بہنوں کے کرداروں کو متعارف کروایا گیا ہے۔ اس سیریز میں بہنوں کے ان کرداروں کو دو جنوبی ایشیائی اداکاراؤں نے کیا ہے۔ ایڈوینا شرما کا کردار اداکارہ چارتھرا چندرن نے ادا کیا ہے، اور کیٹ شرما کا کردار اداکارہ سیمون ایشلے نے ادا کیا ہے۔
