paksahafat پاک صحافت
Related Articles
(پاک صحافت) پاکستان کی بلاک بسٹر فلم ‘دی لیجنڈ آف مولاجٹ’ کا گنڈاسا نیلام کر دیا گیا۔ رپورٹس کے مطابق کینیڈا کے شہر ٹورنٹو میی سہارا فار لائف ٹرسٹ اسپتال کی فنڈ ریزنگ کے لیے میوزیکل شو کا انعقاد کیا گیا جس میں دی لیجنڈ آف مولا جٹ کے اسٹار اداکار فواد خان نے بطور مہمان خصوصی شرکت کی۔
تفصیلات کے مطابق فواد خان نے اپنا استعمال شدہ گنڈاسا 7 ہزار افراد کے سامنے نیلامی کےلیے پیش کیا تو خوب نعرے لگے۔ تاہم مولاجٹ’ کا گنڈاسا 50 ہزار ڈالر(ایک کروڑ 40 لاکھ سے زائد پاکستانی روپے) میں نیلام ہوا،جسے کینیڈا میں مقیم ایک اوور سیز پاکستانی نے خریدا، نیلامی سے حاصل ہونےو لی رقم سہارا لائف ٹرسٹ کو عطیہ کی جائے گی۔
واضح رہے کہ دی لیجنڈ آف مولا جٹ پاکستانی تاریخ کی سب سے زیادہ بزنس کرنے والی فلم بن گئی ہے جو اب تک 2 سو 90 کروڑ سے زیادہ کا بزنس کر چکی ہے۔ اس فلم کی اب بھی پاکستان کے بہترین سنیما گھروں میں نمائش جاری ہے۔ دی لیجنڈ آف مولا جٹ فلم کی کاسٹ میں اداکار فواد خان، ماہرہ خان، حمزہ علی عباسی، حمائمہ ملک، گوہر رشید اور شفقت چیمہ سمیت دیگر فنکار شامل ہیں۔
