paksahafat پاک صحافت
Related Articles
اسلام آباد (پاک صحافت) رانا ثناءاللہ کا کہنا ہے کہ حکومت کے ساتھ اتحاد کرنے والی جماعت پی ڈی ایم کے ساتھ نہیں چل سکتی ہے۔ پیپلزپارٹی نے اپوزیشن لیڈر کے لئے حکومتی افراد کے ووٹ لئے ہیں۔
تفصیلات کے مطابق مسلم لیگ ن کے رہنما رانا ثناءاللہ نے نجی ٹی وی چینل کے ساتھ گفتگو کرتے ہوئے کہا ہے کہ پیپلزپارٹی نے قائد حزب اختلاف کی سیٹ کے لئے پاکستان ڈیموکریٹک موومنٹ کا اعتماد توڑا ہے۔ حکومت کا اتحادی بننے کے بعد پی ڈی ایم کے ساتھ چلنا مشکل ہے۔
رانا ثناءاللہ کا مزید کہنا ہے کہ پیپلزپارٹی نے بلوچستان عوامی پارٹی کی حمایت سے اپوزیشن لیڈر کی سیٹ حاصل کی ہے۔ پی پی کے پاس اپوزیشن اتحاد کو دھوکہ دینے اور اصولوں کی خلاف ورزی پر کوئی وضاحت نہیں ہے۔ اسمبلیوں سے استعفے دینا پی ڈی ایم کا متفقہ فیصلہ تھا لیکن پیپلزپارٹی نے اپوزیشن اتحاد سے الگ ہونا مناسب سمجھا ہوگا جس کی وجہ سے علحیدگی کا فیصلہ کیا ہے۔
