paksahafat پاک صحافت
Related Articles
نیو یارک (پاک صحافت) امریکی خلائی تحقیقاتی ادارے ناسا کے ایڈمنسٹریٹر بِل نیلسن نے گزشتہ روز اس بات کی تصدیق کی کہ جیمز ویب اسپیس ٹیلی اسکوپ کو 24 دسمبر کو خلاء میں بھیجنے کی کوشش کی جائے گی۔ جس کے لیے یورپی آریانے راکٹ جنوبی امریکا کے فرینچ گیانا سے پرواز پھرے گا۔
تفصیلات کے مطابق 10 ارب ڈالرز مالیت کی ٹیلی اسکوپ، جس کو خلاء میں موجود ہبل اسپیس ٹیلی اسکوپ کا جاں نشین خیال کیا جا رہا ہے، کو ہفتے کے روز اڑان بھرنی تھی لیکن لانچ تیاریوں کے درمیان ہونے والے ایک حادثے کی وجہ سے لانچ چار دن کے لیے ملتوی کر دی گئی۔ خیال رہے کہ امریکی اور یورپی اسپیس حکام نے جمعے کو بطور لانچ ڈیٹ کے طے کر دیا ہے۔
واضح رہے کہ چھٹیاں ہونے کی وجہ سے لانچ سائٹ پر تھوڑا ہجوم متوقع ہے۔ لانچ مشرقی معیار وقت کے مطابق صبح 7 بج کر 20 منٹ پر ہوگی۔ پہلے ہی التواء کا شکار جیمز ویب اسپیس ٹیلی اسکوپ خلاء میں جا کر کائنات کا جائزہ لے گی۔ اس کو خلاء میں بھیجے جانے والے مقاصد میں یہ بھی شامل ہے کہ زمین سے قریب ستاروں اور ان کے گرد کرتے سیاروں کے ایٹماسفیئر کے متعلق معلومات اکٹھی کرے۔
