paksahafat پاک صحافت
Related Articles
لاہور (پاک صحافت) مریم اورنگزیب کا کہنا ہے کہ نیب آرڈیننس کالا قانون ہے جس کی مسلم لیگ ن بھرپور مذمت و مزاحمت کرے گی اور اسے چیلنج کیا جائے گا۔
تفصیلات کے مطابق مسلم لیگ ن کی ترجمان مریم اورنگزیب نے چیئرمین نیب کی تقرری سے متعلق حکومت کی جانب سے جاری کردہ آرڈیننس کو مسترد کرتے ہوئے کہا ہے کہ ن لیگ نے چیئرمین نیب کی تقرری سےمتعلق آرڈیننس کو چیلنج کرنے کا فیصلہ کر لیا ہے۔
ترجمان مسلم لیگ ن مریم اورنگزیب کا مزید کہنا تھا کہ پارٹی کی قانونی ماہرین سے مشاورت جاری ہے اور سیاسی انتقام کے ایجنڈے کو آگے بڑھانے کیلئے قانون بدلا گیا ہے۔ اس آرڈیننس سے ملک میں افراتفری اور انتشار پھیلے گا۔ یاد رہے کہ پیپلزپارٹی سمیت دیگر اپوزیشن جماعتوں نے بھی نیب آرڈیننس کو مسترد کرنے کا اعلان کیا ہے۔
Short Link
Copied
