paksahafat پاک صحافت
Related Articles
سیالکوٹ (پاک صحافت) خواجہ آصف کا کہنا ہے کہ تحریک انصاف کے آئندہ جلسے سڑکوں پر نہیں بلکہ گلیوں میں ہوں گے۔
تفصیلات کے مطابق وزیر دفاع خواجہ آصف نے ذرائع ابلاغ کے نمائندوں سے گفتگو کرتے ہوئے کہا ہے کہ عمران خان کی گفتگو بے ربط ہوچکی ہے، رات جو انہوں نے اعلانات کیے، اس کا آئینی اور عوامی طور پر بھی کوئی نتیجہ نہیں نکلے گا۔ اقتدار بھی ایک نشہ ہے، وہ نشہ ان کو تنگ کررہا ہے۔
خواجہ آصف کا مزید کہنا تھا کہ ان کے لوگ ابھی تک پارلیمان لاجز استعمال کررہے ہیں، جبکہ مراد سعید ارشد شریف قتل کیس کی تحقیقاتی ٹیم کے سامنے نہیں آرہے، اگر اس لیپ ٹاپ میں کسی طرف اشارہ ہے تو سامنے آئیں۔ انہوں نے کہا کہ مجھ پر بھی جھوٹے مقدمات بنے، قبل از گرفتاری ضمانت کرواسکتا تھا لیکن نہیں کروائی، فیصل واوڈا شور مچا رہا ہے وہ ان کا بندہ ہے، وفاداری کا اب بھرم رکھ رہا ہے۔
Short Link
Copied
