پاکستان میں اب بھی معاشی طاقت بننے کی صلاحیت موجود ہے۔ آصف زرداری

لاہور (پاک صحافت) آصف زرداری کا کہنا ہے کہ پاکستان میں اب بھی معاشی طاقت بننے کے صلاحیت موجود ہے۔

تفصیلات کے مطابق سابق صدر اور پیپلز پارٹی کے شریک چیئرمین آصف علی زرداری نے لاہور میں تاجروں سے خطاب کرتے ہوئے کہا ہے کہ پنجاب کے تمام بڑی کاروباری شخصیات اکھٹی ہوجائیں میں سرمایہ کاری کی گارنٹی دیتا ہوں۔  پاکستان میں اب بھی معاشی طاقت بننے کی صلاحیت موجود ہے.

آصف زرداری کا مزید کہنا تھا کہ ہمیں لانگ ٹرم معاشی منصوبے بنانا ہوں گے جس پر تمام حکومتیں عمل کریں۔ چین کا معاشی پلان 50 سالہ ہے جس پر ان کی تمام حکومتیں عمل کرتی ہیں جس کی وجہ سے چین معاشی سپر پاور بن گیا ہے، ہمیں بھی اپنی معیشت کو چین کے طرز پر چلانا ہوگا۔

انہوں نے کہا کہ گوادر 70 سال سے پاکستان میں موجود ہے لیکن کسی کی اس پر نظر نہیں گئی لیکن پیپلزپارٹی نے گوادر کو ترقی دے کر ملک کو معاشی طاقت بنانے کی بنیاد رکھی۔