paksahafat پاک صحافت
Related Articles
لاہور (پاک صحافت) مریم نواز شریف کل پیر 15 جنوری کو اوکاڑہ میں جلسے سے خطاب کریں گی۔
تفصیلات کے مطابق مسلم لیگ نون کی چیف ارگنائزر مریم نواز شریف کل پیر 15 جنوری کو اوکاڑہ میں جلسے سے خطاب کریں گی۔ جلسے کے موقع پر مقامی انتظامیہ نے تعلیمی سرگرمیاں معطل رکھنے کا حکم جاری کر دیا ہے۔ اوکاڑہ میں مریم نواز کی آمد پر تعلیمی سرگرمیاں معطل کرنے کا حکم دیا گیا ہے۔
ذرائع کے مطابق ڈی سی اوکاڑہ کی ہدایت پر نوٹیفکیشن ڈائریکٹر ایجوکیشن ساہیوال نے جاری کیا۔ مقامی انتظامیہ نے کوریج کرنے والے صحافیوں کیلئے سیکورٹی پاس حاصل کرنا لازم قرار دیا ہے۔ مریم نواز پیر کو دن 12 بجے جلسہ عام سے خطاب کریں گی۔
ترجمان مسلم لیگ ن مریم اورنگزیب کا کہنا ہے کہ مریم نواز اوکاڑہ کے اقبال سٹیڈیم میں جسلے سے خطاب کریں گی۔ انہوں نے کہا کہ جلسے میں مسلم لیگ ن کے منشور کے اہم نقاط پر بات کی جائے گی۔
