paksahafat پاک صحافت
Related Articles
کراچی (پاک صحافت) مرتضی وہاب نے کہا ہے کہ عمران خان کو گھر بھیجے بغیر عوامی مسائل کا حل ممکن نہیں ہے۔ موجودہ حکومت کی نااہلی عوامی مسائل حل کرنے کے بجائے مزید مسائل میں الجھا رہی ہے۔
تفصیلات کے مطابق ذرائع ابلاغ کے نمائندوں سے بات چیت کرتے ہوئے ترجمان سندھ حکومت مرتضی وہاب نے کہا ہے کہ سندھ میں تبدیلی کے لئے پیپلزپارٹی مصروف عمل ہے جبکہ ملکی سطح پر تبدیلی کے لئے عمران خان کو گھر بھیجنا ہوگا۔ عام شہری بڑھتی ہوئی مہنگائی اور معیشت کی تباہ صورت حال سے متاثر اور پریشان ہے۔
مرتضی وہاب کا مزید کہنا تھا کہ وزراء کو ہٹانے سے کوئی فرق نہیں پڑتا۔ مسائل کا اصل ذمہ دار عمران خان نے اسے خود گھر جانا ہوگا تب مسائل حل ہوں گے۔ وفاقی حکومت کورونا کے نام پر عوام کو بے وقوف بنارہی ہے جبکہ خیرات میں ملی ویکسین بھی مخصوص افراد کو لگائی جارہی ہے۔
Short Link
Copied
