paksahafat پاک صحافت
Related Articles
لاہور (پاک صحافت) جاوید لطیف نے کہا ہے کہ ملک کی تعمیر و ترقی کے لئے صرف وزراء کا تبدیل ہونا کافی نہیں بلکہ حکومت کی تبدیلی ناگزیر ہوچکی ہے۔ مسائل کا ذمہ دار صرف ایک وزیر نہیں بلکہ عمران خان اور اس کی پوری حکومت ہے۔
تفصیلات کے مطابق مسلم لیگ ن کے رہنما میاں جاوید لطیف نے ذرائع ابلاغ کے نمائندوں سے بات چیت کرتے ہوئے کہا ہے کہ ملک کو درپیش بحران سے نمٹنے کے لئے موجودہ حکومت کی تبدیلی ضروری ہے۔ حکومت کے خاتمے کے بغیر ملکی ترقی ممکن نہیں۔ انہوں نے کہا کہ مسلم لیگ ن عوام کو نجات دلانے کے لئے اپنی جدوجہد جاری رکھے گی۔
میاں جاوید لطیف کا مزید کہنا تھا کہ ہمارے خلاف جتنے جھوٹے اور بے بنیاد مقدمات بنائیں لیکن ہم قومی حقوق کے دفاع سے کبھی پیچھے نہیں ہٹیں گے۔ انہوں نے کہا کہ پہلے ہڑتالیں پھر احتجاج اور پھر لانگ مارچ ہوگا۔
Short Link
Copied
