paksahafat پاک صحافت
Related Articles
کراچی (پاک صحافت) سندھ ہائیکورٹ نے تحریک انصاف کی این اے237 کا نتیجہ روکنے کی درخواست مسترد کردی ہے۔
تفصیلات کے مطابق سندھ ہائیکورٹ میں تحریک انصاف کی این اے237 کا نتیجہ روکنے کی درخواست پر سماعت ہوئی، وکیل نے بتایا کہ الیکشن کمیشن نے اپنے دروازے ہی بند کردیے جب ہم درخواست لیکر گئے، جس پر چیف جسٹس نے ریمارکس دیئے کہ بے ضابطگی یا دھاندلی ہوئی ہے تو آپ کے پاس الیکشن ٹریبونل جانے کا آپشن ہے۔
چیف جسٹس سندھ ہائیکورٹ کا کہنا تھا کہ الیکشن کا کیا تنازعہ لیکر آئے ہیں یہ بتائیں، جو باتیں آپ بتارہے ہیں وہ الیکشن تنازعہ کے زمرے میں آتا ہے؟ آپ الیکشن ٹریبونل گئے یا نہیں؟۔ عدالت نے تحریک انصاف کی این اے دو سو سینتیس ملیر کا نتیجہ روکنے کی درخواست مسترد کرتے ہوئے درخواست ناقابل سماعت قرار دے دی اور ضمنی انتخاب کے نتائج سے متعلق الیکشن ٹریبونل سے رجوع کی ہدایت کردی ہے۔
