اسلام آباد (پاک صحافت) امن و امان کی بحالی اور انسانی اسمگلنگ روکنے کیلئے حکومت نے اہم اقدام اٹھاتے ہوئے بلوچستان اور خیبرپختونخوا میں وفاقی تحقیقاتی ادارے ایف آئی اے کے 9 نئے تھانے قائم کردیے۔
تفصیلات کے مطابق اس حوالے سے جاری نوٹیفکیشن میں کہا گیا ہے کہ ایف آئی اے امیگریشن کے تحت کام والی 9 چیک پوسٹوں کو پولیس اسٹیشنز کا درجہ دیا گیا ہے۔ تھانوں کا درجہ پانے والی 7 چوکیاں بلوچستان اور 2 خیبر پختونخوا میں ہیں۔ کرم ایجنسی میں چیک پوسٹ گاوی اور انزارکئی کے نام سے دو تھانے قائم کیے گئے ہیں۔
ذرائع کے مطابق بلوچستان کے ضلع چاغی میں چار بان، نور وہاب، بربچہ اور راجے کے نام سے تھانے بنا دیے گئے جبکہ ضلع ژوب میں غزنی، قمر دین کاریز کے نام سے دو تھانے قائم کردیے گئے۔
نوٹیفکیشن کے مطابق ضلع پنجگور میں پراگ کوہ کے نام سے ایف آئی اے کا ایک تھانہ قائم کردیا گیا ہے۔