لاہور (پاک صحافت) وزیراطلاعات پنجاب عظمی بخاری نے کہا ہے کہ ہماری کئی بار درخواست کے باوجود پی ٹی آئی اجلاس میں نہیں آئی،،بلاول بھٹو اجلاس پی ٹی آئی کو کان سےپکڑ کر لاسکتے ہیں تو لے آئیں۔
تفصیلات کے مطابق میڈیا سے گفتگو میں عظمی بخاری نے کہا ہے کہ ملک کو پانی کی کمی کا سامنا ہے مل بیٹھ کر اس کا حل نکالنا ہے، سندھ کا پانی پنجاب کبھی کھا سکتا ہے نہ پی سکتا ہے۔ مریم نواز عوام کی فلاح وبہبود کیلئے دن رات کام کر رہی ہیں، انہوں نے 30 لاکھ خاندانوں تک رمضان پیکیج پہنچایا، پنجاب میں جو کام نہیں کرے گا وہ گھر جائے گا، پنجاب حکومت نےفنڈ دیا ہے، عوام کو مفت دوائیں دینی پڑیں گی۔
وزیر اطلاعات پنجاب عظمی بخاری کا مزید کہنا تھا ہمیں انتہاپسندی کو ختم کرنا ہے، غربت ،بیروزگاری اور تعلیم پر بہت سار ا کام کرنے کی ضرورت ہے،کرسچن کمیونٹی کے بچوں کی تعلیم پر فوکس بھی بہت ضروری ہے، وزیراعلی مریم نواز نے منیارٹی کارڈ بھی لانچ کیا ،130سال میں پہلی بار کوئی حکمران مریم آباد گیا۔