paksahafat پاک صحافت
Related Articles
اسلام آباد (پاک صحافت) وزیر دفاع خواجہ آصف کا کہنا ہے کہ پاک چین سیکیورٹی تعاون علاقائی استحکام کا ستون ہے، دونوں ممالک کی دوستی کی کوئی مثال نہیں۔
تفصیلات کے مطابق چین کے وفد نے وزیر دفاع خواجہ محمد آصف سے آج ملاقات کی جس میں وزیر دفاع نے معزز مہمان کا خیرمقدم کیا۔ انہوں نے کہا کہ چین کے ساتھ دوستی پاکستان کی خارجہ پالیسی کا سنگ بنیاد ہے جس کی بنیاد علاقائی اور عالمی مسائل پر ہم آہنگی پر مبنی ہے۔
خواجہ آصف کا مزید کہنا تھا کہ پاکستان علاقائی اور عالمی فورمز پر دہشت گردی کے خلاف جنگ میں چین کی سفارتی اور مادی حمایت کو سراہتا ہے۔ پاک چین سیکیورٹی تعاون علاقائی استحکام کا ستون ہے،سی پیک میں خطرات کے باوجود سیکیورٹی/ انٹیلی جنس شیئرنگ میں اضافہ ہوا ہے۔ انہوں نے کہا کہ پاک بحریہ نے گوادر بندرگاہ اور پاکستان کے ساحل کے ساتھ سی پیک کے تمام منصوبوں کی میری ٹائم سیکیورٹی کو یقینی بنانے کو اولین ترجیح دی ہے، اس لیے دونوں ممالک کے لیے مختلف شعبوں میں ایک دوسرے کے ساتھ مل کر کام کرنے میں بہت وسعت موجود ہے۔
