paksahafat پاک صحافت
Related Articles
اسلام آباد (پاک صحافت) مصدق ملک کا کہنا ہے کہ مسلم لیگ ن آزادکشمیر کے پینتالیس میں سے چوالیس حلقوں میں الیکشن لڑرہی ہے اور تمام حلقوں میں ن لیگ کے امیدوار موجود ہیں۔
تفصیلات کے مطابق مسلم لیگ ن کے سینیٹر مصدق ملک نے نجی ٹی وی چینل سے گفتگو کرتے ہوئے اس پروپیگنڈے کو مسترد کیا ہے جس میں کہا جارہا ہے کہ ن لیگ آزادکشمیر میں صرف چودہ یا پندرہ سیٹوں پر الیکشن لڑرہی ہے۔
مسلم لیگ ن کے رہنما مصدق ملک نے کہا ہے کہ ن لیگ آزادکشمیر کے چوالیس حلقوں میں الیکشن لڑرہی ہے۔ انہوں نے کہا کہ عمران خان کا ملک اور بیرون ملک میں کوئی کاروبار نہیں جبکہ وہ اسلام آباد میں تین سو کنال کے گھر میں رہتے ہیں۔ اتنے بڑے خرچے عمران خان کہاں سے پورے کررہے ہیں اس کا کسی کو بھی پتا نہیں۔
Short Link
Copied
