paksahafat پاک صحافت
Related Articles
اسلام آباد (پاک صحافت) نگراں وزیرِ داخلہ سرفراز بگٹی کا کہنا ہے کہ دہشتگرد معصوم بچوں کو نشانہ بنا کر بزدلی کا ثبوت دے رہے ہیں۔ سرفراز بگٹی نے پشاور میں اسکول کے قریب دھماکے کی مذمت کرتے ہوئے کہا ہے کہ زخمیوں کے علاج معالجے میں کوئی کسر اٹھا نہ رکھی جائے، بچے ملک کا مستقبل ہیں، اِنہیں ہر صورت محفوظ بنائیں گے۔
وزیرِ داخلہ سرفراز بگٹی کا کہنا ہے کہ دہشتگردوں کی بزدلانہ کارروائیاں امن کو سبوتاژ نہیں کر سکتیں، واقعے میں ملوث عناصر کو قرار واقعی سزا دلوائیں گے۔ یاد رہے کہ پشاور میں ورسک روڈ پر نجی بینک اور اسکول کے قریب دھماکا ہوا ہے۔
واضح رہے کہ پولیس کے مطابق دھماکے میں 7 افراد زخمی ہوئے ہیں۔ ایل آر ایچ کے ترجمان نے بتایا ہے کہ ورسک روڈ دھماکے کے 6 زخمیوں کو لیڈی ریڈنگ اسپتال لایا گیا ہے۔
Short Link
Copied
