paksahafat پاک صحافت
Related Articles
راولپنڈی (پاک صحافت) راجہ فاروق حیدر کا کہنا ہے کہ 2017 میں نواز شریف کو نااہل کر کے پاکستان کو نقصان پہنچایا گیا۔
تفصیلات کے مطابق سابق وزیراعظم آزاد کشمیر راجہ فاروق حیدر نے راولپنڈی میں ن لیگ آزاد کشمیر کے زیر اہتمام نواز شریف کے استقبال سے متعلقہ اجلاس سے خطاب کرتے ہوئے کہا ہے کہ 21 اکتوبر کو پاکستان نئے دور میں داخل ہونے جارہا ہے۔ نواز شریف کو وطن واپسی کے بعد سب سے پہلا دورہ آزاد کشمیر کا کرنے کی دعوت دوں گا۔
سابق وزیراعظم آزاد کشمیر راجہ فاروق حیدر کا مزید کہنا تھا کہ آزاد کشمیر کے ہر شہر گاؤں اور قصبے سے کارکنان مسلم لیگ ن لاہور پہنچیں گے۔ 2017 میں نواز شریف کو نااہل کر کے پاکستان کو نقصان پہنچایا گیا، 21 اکتوبر سے پاکستان نئے دور میں داخل ہونے جا رہا ہے۔
انہوں نے یہ بھی کہا کہ مینار پاکستان جلسے میں آزاد کشمیر کے علاوہ پاکستان بھر میں مقیم کشمیری شریک ہوں گے۔
