paksahafat پاک صحافت
Related Articles
اسلام آباد (پاک صحافت) وزیرِ اعظم شہباز شریف کا کہنا ہے کہ محترمہ فاطمہ جناح ایک عظیم بھائی کی عظیم بہن تھیں۔ وزیر اعظم نے کہا کہ وہ قوم کے لیے ماں کا درجہ رکھتی ہیں، قوم پر ان کے بہت احسانات ہیں۔ قوم ہمیشہ مادرِ ملت محترمہ فاطمہ جناح کے احسانات کی مقروض رہے گی۔
تفصیلات کے مطابق وزیرِ اعظم شہباز شریف نے بانیٔ پاکستان قائدِ اعظم محمد علی جناح ؒکی ہمشیرہ، مادرِ ملت محترمہ فاطمہ جناح کو ان کے 56 ویں یومِ وفات پر خراجِ عقیدت پیش کیا ہے۔ ان کا کہنا ہے کہ محترمہ فاطمہ جناح بابائے قوم کے لیے حوصلے اور ہمت کا ذریعہ تھیں، مادرِ ملت پیرانہ سالی کے باوجود آمریت کے خلاف ڈٹ کر کھڑی ہوئیں۔
وزیرِ اعظم شہباز شریف کا کہنا ہے کہ مادرِ ملت نے عوام، جمہوریت اور ملک کے لیے تاریخی کردار ادا کیا، محترمہ فاطمہ جناح کی شخصیت آج کی بچیوں اور خواتین کے لیے مشعلِ راہ ہے۔ انہوں نے مزید کہا ہے کہ محترمہ فاطمہ جناح نے تحریکِ پاکستان کے لیے بے مثال کردار ادا کیا، قوم مادرِ ملت کی پاکستان کے لیے خدمات کو خراجِ عقیدت پیش کرتی ہے۔
