paksahafat پاک صحافت
Related Articles
کراچی (پاک صحافت) وزیر اعلیٰ سندھ سید مراد علی شاہ نے صوبے میں عالمی وبا کورونا وائرس کے نئے ویرینٹ اومیکرون کے بڑھتے کیسز سے متعلق بریفنگ دیتے ہوئے کہا ہے کہ اس وبا سے صرف احتیاط کے نیتجے میں ہی بچاؤ ممکن ہے۔ یاد رہے کہ وزیراعلیٰ سندھ سید مراد علی شاہ نے عوام کو ہر صورت احتیاط کرنے کی ہدایت کی ہے۔
تفصیلات کے مطابق وزیر اعلیٰ سندھ سید مراد علی شاہ نے کراچی میں اومیکرون کے بڑھتے کیسز سے متعلق ایک بیان میں کہا گیا ہے کہ 3 سے 5 جنوری 2022ء تک 37 ٹیسٹ کیے گئے ہیں، 37 نمونوں میں سے 30 کیسز اومیکرون کے ظاہر ہوئے ہیں۔ وزیر اعلیٰ سندھ نے وبا کے بڑھتے کیسز کے پیش نظر احکامات جاری کرتے ہوئے کہا کہ بازاروں، دفاتر اور عوامی مقامات پر ماسک ضرور پہنیں اور سینی ٹائیزر کا استعمال کریں۔
واضح رہے کہ وزیر اعلیٰ سندھ سید مراد علی شاہ نے جاری بیا ن میں مزید بتایا کہ 2 دن میں کیے گئے ٹیسٹ کا 81 فیصد اومیکرون مثبت آیا ہے، نئے 630 کیسز کے ساتھ سندھ میں اومیکرون کے کیسز کی تعداد 307 ہوگئی ہے۔خیال رہے کہ وزیراعلیٰ سندھ سید مراد علی شاہ نے عوام کو ہر صورت احتیاط کرنے کی ہدایت کی ہے۔
