paksahafat پاک صحافت
Related Articles
لاہور (پاک صحافت) چوہدری شجاعت کا کہنا ہے کہ سپریم کورٹ نے الیکشن سے فرار کے تمام راستے بند کردیئے ہیں۔
تفصیلات کے مطابق مسلم لیگ ق کے سربراہ چودہدری شجاعت حسین نے ق لیگ سندھ کے اجلاس سے خطاب کرتے ہوئے کہا ہے کہ سپریم کورٹ کے بینچ کے منصفانہ فیصلے سے الیکشن سے فرار کی تمام سازشیں دم توڑ گئی ہیں، ملک کا سیاسی و معاشی مستقبل عام انتخابات سے وابستہ ہے۔
چوہدری شجاعت کا مزید کہنا تھا کہ آزاد، منصفانہ اور قابل اعتماد انتخابات انتہائی ضروری ہیں جن میں تمام سیاسی جماعتوں کو حصہ لینے کے یکساں مواقع ملنے چاہئیں۔ پاکستان مسلم لیگ (ق) انتخابات میں بھرپور حصہ لے گی اور عوام کی نمائندہ جماعت بن کر ان کی ترجمانی کرے گی۔
انہوں نے کہا کہ عوام کو اپنے روشن مستقبل کیلئے روایتی سیاستدانوں کے بجائے شعور کو ووٹ دینا ہوگا۔
Short Link
Copied
