paksahafat پاک صحافت
Related Articles
اسلام آباد (پاک صحافت) پاکستان مسلم لیگ (ن) اور جمعیت علمائے اسلام (ف) کے درمیان اسلام آباد کے حلقہ این اے 47 پر سیٹ ایڈجسٹمنٹ ہوگئی۔
تفصیلات کے مطابق جمعیت علمائے اسلام (ف) کے این اے 47 سے امیدوار حکیم نور محمد شاہ ڈاکٹر طارق فضل چوہدری کے حق میں دستبردار ہوگئے۔ این اے 47 میں جے یو آئی ایف نے ڈاکٹر طارق فضل چوہدری کی مکمل حمایت اور سپورٹ کا اعلان کر دیا۔
اسلام آباد میں ن لیگ کے رہنما ڈاکٹر طارق فضل چوہدری نے جے یو آئی ف کے مقامی امیر حکیم نور محمد شاہ سے ملاقات کی، اس موقع پر مسلم لیگ ن اور جمعیت علمائے اسلام ف کے اکابرین بھی موجود تھے۔ انہوں نے جمعیت علمائے اسلام کی قیادت کا شکریہ ادا کیا۔
ملاقات میں مسلم لیگ ن اور جمعیت علمائے اسلام کے اکابرین بھی موجود تھے، جمعیت علمائے اسلام کے رہنما نور محمد شاہ نے ساتھیوں کے ساتھ ڈاکٹر طارق فضل چوہدری کی حمایت کا اعلان کیا۔
