paksahafat پاک صحافت
Related Articles
اسلام آباد (پاک صحافت) ایران میں مختلف جرائم میں سزا کاٹنے والے 28 پاکستانی قیدیوں کو رہا کردیا گیا۔
تفصیلات کے مطابق ایرانی صدر ابراہیم رئیسی کے حالیہ دورہ پاکستان پر ایک دوسرے کے قیدی رہا کرنے کے فیصلے پر ایران نے عملدرآمدر کرتے ہوئے 28 پاکستانی قیدیوں کو رہا کردیا۔
ایرانی ایمبیسی کے ترجمان کے مطابق قیدیوں کی رہائی پر اتفاق ایرانی صدر کے حالیہ دورہ پاکستان کے دوران کیا گیا تھا، رہا ہونے والے قیدیوں کی سزاؤں کو معاف کرکے واپس پاکستان بھیج دیا گیا۔
ترجمان نے بتایا کہ دونوں ممالک نے انسانی بنیادوں پر جیلوں میں موجود قیدیوں کی رہائی سمیت ان کی وطن واپسی پر اتفاق کیا تھا، ایران کی جیلوں میں 160 پاکستانی جبکہ پاکستان کی جیلوں میں 60 ایرانی قیدی ہیں، ابتدائی طور پر 160 میں سے 28 پاکستانی قیدیوں کو رہا کیا گیا ہے۔
واضح رہے ایرانی صدر کے دورہ پاکستان کے دوران وزارتِ داخلہ کے تعاون سے ابراہیم رئیسی کو جیلوں میں قید پاکستانیوں کے ورثا نے ان کے عزیزوں کی حالت زار کو مد نظر رکھتے ہوئے قیدیوں کو رہا کرنے کی تجویز پیش کی تھی۔
