paksahafat پاک صحافت
Related Articles
لاہور (پاک صحافت) پاکستان مسلم لیگ ن کی نائب صدر اور سابق وزیر اعظم میاں محمد نواز شریف کی صاحبزادی مریم نواز نے سینئر صحافی عامر میر اور عمران شفقت کی گرفتاری کی شدید الفاظ میں مذمت کرتے ہوئے کہا کہ صحافی برادری کی حفاظت ریاست کی ذمہ داری ہے اس میں کوتاہی مجرمانہ ہے۔
تفصیلات کے مطابق پاکستان مسلم لیگ ن کی نائب صدر مریم نواز نے پاکستان تحریک انصاف (پی ٹی آئی) حکومت پر تنقید کرتے ہوئے اپنے بیان میں کہا کہ کس کس کو چپ کروائیں گے؟ اب تو پورا ملک بول رہا ہے۔ انہوں نے حکومت کو مخاطب کرتے ہوئے کہا کہ یہ حرکتیں آپ کو کہیں کا نہیں چھوڑیں گی، اس پر افسوس ہے۔
واضح رہے کہ پاکستان مسلم لیگ ن کے قائد نواز شریف کی صاحبزادی نے صحافی برادری کے خلاف مقدمہ کے اندراج اور ان کی گرفتاری پر اظہار تشویش کرتے ہوئے مزید کہا کہ ایک ہی دن میں دو صحافیوں کا اغوا نہایت ہی تشویشناک ہے۔
