paksahafat پاک صحافت
Related Articles
کراچی (پاک صحافت) وزیر اعلیٰ سندھ سید مراد علی شاہ نے عید کے موقع پر قیدیوں کی سزاؤں میں کمی کا اعلان کر دیا۔ ذرائع کے مطابق وزیر اعلیٰ سندھ نے سزایافتہ قیدیوں کو 120 دن کی معافی دی ہے۔
تفصیلات کے مطابق وزیر اعلیٰ سندھ کے ترجمان نے جاری بیان میں بتایا کہ مراد علی شاہ نے سزا یافتہ قیدیوں کی سزا میں 120 دن کی معافی دی ہے۔ انہوں نے کہا کہ اس معافی کا اطلاق سزائے موت، قتل، جاسوسی، دہشت گردی اور ریاست مخالف سرگرمیوں میں ملوث عناصر پر نہیں ہو گا۔
واضح رہے کہ اس حوالے سے جاری بیان میں وزیرِ اعلیٰ سندھ سید مراد علی شاہ نے کہا ہے کہ سزا میں معافی کا مطلب قیدیوں کو زندگی کے مثبت عمل کی جانب راغب کرنا ہے۔
Short Link
Copied
