paksahafat پاک صحافت
Related Articles
مری (پاک صحافت) نوازشریف کشمیر پوائنٹ مری میں واقع اپنی رہائش گاہ پر پہنچ گئے جہاں لیگی کارکنوں نے ان کا بھرپور استقبال کیا۔
تفصیلات کے مطابق مسلم لیگ ن کے قائد نوازشریف کے مری پہنچنے پر بڑی تعداد میں لیگی کارکنوں سمیت خواتین ورکرز کشمیر پوائنٹ پر پہنچ گئے اور اپنے قائد پر پھولوں کی پتیاں نچھاور کیں، کارکنوں نے پرجوش انداز میں وزیراعظم نوازشریف کے نعرے بھی لگائے۔
ذرائع کے مطابق نوازشریف براستہ اسلام آباد مری ایکسپریس وے اپنی رہائش گاہ کشمیر پوائنٹ پہنچے تھے، جہاں شدید سردی کے باوجود مسلم لیگی کارکن ان کے استقبال کیلئے کشمیر پوائنٹ پر موجود رہے۔
ذرائع کا کہنا ہے کہ مری میں آج مسلم لیگ ن کے قائد کی اہم ملاقاتیں متوقع ہیں تاہم ترجمان ن لیگ مریم اورنگزیب کا کہنا ہے کہ نوازشریف کی مری میں کوئی ملاقات طے نہیں ہے۔
Short Link
Copied
