paksahafat پاک صحافت
Related Articles
اسلام آباد (پاک صحافت) وزیر اعظم شہباز شریف نے کہا ہے کہ ملکی بقاء اور ترقی کیلئے سب کو مل کر کام کرنا ہوگا۔ انہوں نے یہ بھی کہا کہ موجودہ حکومت کی ترجیح پورے پاکستان کی اجتماعی ترقی کیلئے سب کو ساتھ لیکر چلنا ہے۔
تفصیلات کے مطابق وزیرِ اعظم شہباز شریف سے عوامی نیشنل پارٹی صوبہ خیبر پختونخوا کے صدر ایمل ولی خان کی ملاقات ہوئی جس میں وفاقی وزیرِ اقتصادی امور و سابق اسپیکر قومی اسمبلی سردار ایاز صادق بھی شریک تھے۔ ذرائع کے مطابق ملاقات کے دوران موجودہ ملکی سیاسی صورتحال پر گفتگو کی گئی۔
واضح رہے کہ ملاقات کے دوران وزیرِ اعظم شہباز شریف نے کہا ہے کہ ہمیں پاکستان کی اجتماعی ترقی کیلئے سب کو ساتھ لیکر چلنا ہے۔ذرائع کے مطابق ملاقات کے دوران ایمل ولی خان نے وزیرِ اعظم کو ڈیرہ اسماعیل خان کے جنگلات میں آگ پر فوری نوٹس اور کامیاب آپریشن پر خراجِ تحسین پیش کیا۔
