paksahafat پاک صحافت
Related Articles
اسلام آباد (پاک صحافت) ایف آئی اے نے جہانگیر ترین اور علی ترین کے خلاف منی لانڈرنگ کیس ختم کرنے کا فیصلہ کرلیا ہے۔
تفصیلات کے مطابق وفاقی تحقیقاتی ادارے (ایف آئی اے) نے پاکستان تحریک انصاف (پی ٹی آئی) کے سابق رہنما جہانگیر خان ترین اور ان کے صاحبزادے علی ترین کے خلاف منی لانڈرنگ کیس کو ختم کرنے کا فیصلہ کرلیا ہے۔ جہانگیر ترین اور علی ترین کے خلاف منی لانڈرنگ کیس ختم کرنے کیلئے ایف آئی اے نے وزارت داخلہ سے رجوع کیا ہے۔
ذرائع کے مطابق جہانگیر ترین اور علی ترین کے خلاف سات ارب روپے کی منی لانڈرنگ کا مقدمہ درج تھا۔ ایف آئی اے حکام کا کہنا ہے کہ ان کے خلاف منی لانڈرنگ ثابت نہیں ہوسکی، وزارت داخلہ کا جواب ملتے ہی مقدمہ خارج کرنے کے لیے متعلقہ مجسٹریٹ سے رجوع کیا جائے گا۔
Short Link
Copied
