paksahafat پاک صحافت
Related Articles
پاک صحافت جنین پر صہیونی فوج کے دہشت گردانہ حملے کے نتیجے میں زخمی ہونے والی 14 سالہ فلسطینی لڑکی زخموں کی تاب نہ لاتے ہوئے شہید ہو گئی ہے۔
موصولہ اطلاعات کے مطابق اس وقت اسرائیل فلسطین کے مغربی کنارے میں کسی بھی سطح پر مظالم ڈھا رہا ہے۔ اسے نہ تو اقوام متحدہ کے کسی قانون سے کوئی سروکار ہے اور نہ ہی وہ انسانی حقوق کی کھلم کھلا خلاف ورزی سے پیچھے ہٹ رہا ہے۔ یہ غیر قانونی اور دہشت گرد حکومت مسلسل فلسطینیوں پر مظالم کی نئی داستانیں لکھ رہی ہے۔ فلسطینی خبر رساں ایجنسی سماء نے رپورٹ کیا کہ سودیل غسان، ایک 14 سالہ لڑکی جو مغربی کنارے کے جنین میں واقع ایک ہسپتال کے آئی سی یو یونٹ میں زیر علاج تھی، بدھ کی صبح انتقال کر گئی۔
موصولہ اطلاعات کے مطابق سدیل غسان کی شہادت کے بعد جنین میں دہشت گرد صہیونی فوج کے ہاتھوں شہید ہونے والوں کی تعداد 7 ہو گئی ہے جب کہ 21 افراد کی حالت تشویشناک بتائی جاتی ہے۔ آپ کو بتاتے چلیں کہ بنجمن نیتن یاہو کی قیادت میں اسرائیل کی نئی حکومت کے قیام کے بعد سے اسرائیل مسلسل اشتعال انگیز کارروائیاں کر رہا ہے۔ حالیہ پانچ روزہ غزہ جنگ اسرائیل کے ان اشتعال انگیز اقدامات کا نتیجہ تھی اور اس کے بعد بھی اسرائیل کی جانب سے اشتعال انگیز سرگرمیوں کا سلسلہ ابھی تک نہیں رکا۔
