paksahafat پاک صحافت
Related Articles
پاک صحافت ایران نے فلسطین کے مظلوم عوام کے ساتھ اپنی یکجہتی کا اظہار کرتے ہوئے کہا ہے کہ اسرائیل کو غزہ کی پٹی کے محاصرے جیسے غیر انسانی جرائم کی سزا ملنی چاہیے۔
یوم نکبہ کی 75ویں سالگرہ کے موقع پر ایران کی وزارت خارجہ نے ایک بیان جاری کیا جس میں صیہونی حکومت سے مطالبہ کیا گیا ہے کہ وہ گزشتہ 75 سالوں کے دوران کیے گئے جرائم کی سزا پائے۔
صیہونی حکومت کے غیر قانونی قیام اور فلسطینیوں کو ان کے گھروں سے بے دخل کرنے کی یاد میں ہر سال 15 مئی کو یوم نکبہ کے طور پر منایا جاتا ہے۔
فلسطین میں ناجائز صیہونی حکومت کے قیام کا اعلان 15 مئی 1948 کو کیا گیا، جس میں 750,000 سے زائد فلسطینیوں کو ان کے گھروں اور بستیوں سے زبردستی بے دخل کر دیا گیا۔
اس غیر قانونی حکومت کے قیام کے بعد سے فلسطینیوں کے نہ ختم ہونے والے مصائب کا یہ سلسلہ آج تک جاری ہے، حالانکہ فلسطینیوں نے ہمت نہیں ہاری اور اب بھی اپنی سرزمین اور اپنے بنیادی حقوق کے لیے مزاحمت کر رہے ہیں۔
ایرانی وزارت خارجہ نے اپنے بیان میں مصیبت زدہ فلسطینی عوام کی حمایت اور اسرائیل کے خلاف مزاحمت جاری رکھنے پر زور دیا اور اسے فلسطینیوں کا قانونی حق قرار دیا۔
بیان میں کہا گیا ہے کہ گزشتہ تین دہائیوں کے دوران مسئلہ فلسطین کے حل کے لیے جتنے بھی سیاسی حل تلاش کیے گئے وہ ناکام رہے ہیں کیونکہ ان حلوں نے کبھی بھی مسئلے کی جڑ تک نہیں پہنچی بلکہ صیہونی حکومت کو مضبوط کرنے کی کوشش کی ہے۔
