paksahafat پاک صحافت
Related Articles
پاک صحافت اقوام متحدہ کی امدادی کارروائیوں کے سربراہ کا کہنا ہے کہ وہ سلامتی کونسل کے ذریعے ایران پر مغربی پابندیوں سے انسانی بنیادوں پر چھوٹ مانگ رہے ہیں۔
یہ بات اقوام متحدہ کے انڈر سیکرٹری جنرل کے معاون برائے انسانی امور اور ہنگامی امداد کے کوآرڈینیٹر مارٹن گریفتھس نے منگل کو تہران میں ایرانی وزیر خارجہ حسین امیر عبداللہیان سے ملاقات کے بعد ایک نیوز کانفرنس سے خطاب کرتے ہوئے کہی۔
انہوں نے کہا: “امدادی ایجنسیاں اور میرے جیسے لوگ، جو پوری دنیا کے لوگوں کی نمائندگی کرتے ہیں جہاں پر پابندیاں عائد ہیں، ہم انسانی بنیادوں پر ان پابندیوں کے اثرات کو کم کرنے کے لیے بہت محنت کرتے ہیں، اور ایران بھی اس معاملے میں مختلف نہیں ہے۔”
گریفتھس نے کہا کہ پابندیاں مختلف طریقوں سے لاگو ہوتی ہیں، لیکن ان کے حوالے سے ہماری کوششیں مختلف ممالک میں مختلف نہیں ہیں، چاہے وہ ایران ہو، شام ہو یا افغانستان یا کوئی اور ملک ہے۔
اقوام متحدہ کے اہلکار نے کہا کہ اقوام متحدہ کے اداروں نے ایران میں طبی اور صحت کا سامان درآمد کیا ہے تاکہ یہ یقینی بنایا جا سکے کہ یہ ایرانی عوام کے لیے مفید ہو اور ان کی ضروریات کو پورا کیا جا سکے۔
گریفتھس نے یہ بھی کہا کہ پابندیوں میں ہماری دلچسپی سیاسی نہیں ہے، یہ انسانی بنیادوں پر ہے اور ہم صرف اس بات کو یقینی بنانا چاہتے ہیں کہ پابندیاں لوگوں کو انسانی امداد تک رسائی سے نہ روکیں جہاں انہیں ضرورت ہو۔
قابل ذکر ہے کہ ایران نے ہمیشہ امریکہ اور مغربی ممالک کی یکطرفہ پابندیوں کی شدید مذمت کی ہے اور اسے اقتصادی دہشت گردی قرار دیا ہے۔
