paksahafat پاک صحافت
Related Articles
تھران {پاک صاحفت} سپاہ پاسداران انقلاب اسلامی کے ڈپٹی کمانڈر انچیف نے کہا ہے کہ اسلامی انقلاب پوری شان و شوکت کے ساتھ آگے بڑھ رہا ہے۔
موصولہ رپورٹ کے مطابق سپاہ پاسداران انقلاب اسلامی کے ڈپٹی کمانڈر انچیف بریگیڈیئر جنرل علی فدوی نے ایک بیان میں کہا ہے کہ اسلامی انقلاب مسلسل ترقی کر رہا ہے، دشمنوں کی طرف سے قدم قدم پر ڈالی گئی تمام رکاوٹوں کو اپنے قدموں تلے روند رہا ہے تیزی سے ترقی کر رہا ہے. ایران کا اسلامی انقلاب 11 فروری 1979 کو مرحوم امام خمینی کی قیادت میں کامیاب ہوا۔ تب سے انقلاب اسلامی کی روشنی دنیا کے کونے کونے تک پہنچ رہی ہے۔ اس انقلاب نے ایرانی معاشرے کے مختلف شعبوں میں بنیادی تبدیلیاں لائی ہیں جن میں سیاسی، سماجی، ثقافتی اور اقتصادی ترقی شامل ہے۔ اس کے ساتھ ساتھ دنیا کے وہ ممالک جو سامراج کے خلاف آواز نہیں اٹھا سکے، انہیں انقلاب اسلامی نے ایسا حوصلہ دیا کہ آج چھوٹے سے چھوٹے ملک بھی ظلم کے خلاف آواز اٹھانے سے دریغ نہیں کرتے۔
سپاہ پاسداران انقلاب اسلامی کے ڈپٹی کمانڈر انچیف بریگیڈیئر جنرل علی فدوی نے اپنے بیان میں کہا ہے کہ اسلامی انقلاب، ایک ایسی حکومت جس کی جڑیں 2500 سال پرانی ہیں، کو اس طرح منہدم کیا گیا کہ گویا یہ حکومت کبھی موجود ہی نہیں تھی۔ لیکن جب ایران کی سرزمین پر دوبارہ اسلامی حکومت برپا ہوئی تو انقلاب اسلامی سے دشمنی بھی شروع ہوگئی اور آٹھ سالوں میں جب عراق کی باسی حکومت نے ایران پر حملہ کیا تو اس وقت دنیا بھر سے 87 ممالک اس کی حمایت کے لیے اکٹھے ہوگئے تھے، جس سے معلوم ہوتا ہے کہ ان کی دشمنی ایران کے ساتھ نہیں بلکہ اسلامی انقلاب کے ساتھ تھا۔ جنرل فدوی نے کہا کہ اللہ نے وعدہ کیا ہے کہ ان پر ایمان رکھنے والے ہمیشہ شیطان کی حمایت کرنے والوں پر غالب رہیں گے۔ انہوں نے کہا کہ یہی وجہ ہے کہ انقلاب اسلامی کی کامیابی میں 43 سال کا طویل عرصہ گزر رہا ہے اور دشمنوں کی تمام تر سازشوں کے باوجود آج بھی اسلامی انقلاب قابل فخر انداز میں آگے بڑھ رہا ہے۔
