paksahafat پاک صحافت
Related Articles
تھران {پاک صحافت} تہران میں ایران، روس اور ترکی کا سربراہی اجلاس منعقد ہوگا جس میں شام کی صورتحال پر تفصیلی تبادلہ خیال کیا جائے گا۔ یہ اجلاس 2022 کے اوائل میں منعقد ہوگا۔
ایران کے وزیر خارجہ کے مشیر علی اصغر حاجی نے کہا کہ روس اور ترکی کے صدور فروری مارچ میں کسی وقت تہران میں ہونے والے اجلاس میں شرکت کریں گے اور شام کی صورت حال کا تفصیلی جائزہ لیں گے۔
علی اصغر حاجی نے بتایا کہ اجلاس کی تیاریاں جاری ہیں، ہم 2022 کے اوائل میں ہونے والے اس اجلاس کے لیے تیار ہیں لیکن اس وقت کورونا وائرس کی وبا کے حالات پر بہت کچھ منحصر ہوگا۔ انہوں نے کہا کہ وزرائے خارجہ کی سطح پر بھی اجلاس منعقد کیا جائے گا جس میں سربراہی اجلاس کی تیاریوں کو حتمی شکل دی جائے گی۔
مشیر خارجہ نے کہا کہ مذاکرات آستانہ ڈائیلاگ کی شکل میں جاری رہیں گے۔
اس سے قبل جولائی 2020 میں تینوں ممالک کے صدور کا اجلاس ہوا تھا جس میں شام کے بحران کے حوالے سے بات چیت کی گئی تھی۔ اس اجلاس میں فیصلہ کیا گیا کہ اگلی میٹنگ بھی تہران میں ہوگی تاہم کورونا وائرس کی وبا کے باعث یہ سربراہی اجلاس تاحال منعقد نہیں ہوسکا۔
