paksahafat پاک صحافت
Related Articles
(پاک صحافت) صہیونی اخبار ہاریٹز کا کہنا ہے کہ ایران کی طرف سے گزشتہ ہفتے مقبوضہ فلسطین میں میزائل اور ڈرون آپریشن نے اسرائیلی حکام اور انٹیلی جنس ایجنسیوں کو چونکا دیا اور اس کارروائی کے بعد نیتن یاہو کے پاس کہنے کو کچھ نہیں ہے۔
تفصیلات کے مطابق عبرانی اخبار ہاریٹز نے کہا ہے کہ نیتن یاہو نے ایران کے خطرے کے بارے میں اپنے بیانات کو دہراتے ہوئے اپنا سیاسی کام کیا اور اب اسرائیل کے خلاف ایران کے ردعمل کے بارے میں کہنے کو کچھ نہیں ہے۔ ایرانی حکومت نے اپنی پالیسی تبدیل کرتے ہوئے اسرائیل پر براہ راست حملے کا آپشن چنا جس نے نیتن یاہو اور اسرائیل کی انٹیلی جنس سروسز کو حیران کردیا اور اسرائیل کو ایران سے ایسے ردعمل کی توقع نہیں تھی۔
مقبوضہ علاقوں کے اندر صیہونی دشمن کے خلاف اسلامی جمہوریہ ایران کے “سچے وعدے” کی انتقامی کارروائی کو ایک ہفتہ گزر چکا ہے، اس تاریخی آپریشن کی عکاسی ذرائع ابلاغ اور عبرانی حلقوں میں جاری ہے۔
قابض حکومت اپنی ناکامی پر پردہ ڈالنے کی کوشش کر رہی ہے اور اس ایرانی آپریشن کی اہمیت کو کم کرتے ہوئے اس حکومت کا میڈیا اس بات پر زور دے رہا ہے کہ ایران کے حملے کے دیگر نتائج مستقبل میں واضح ہوجائیں گے۔
