بھارتی سپریم کورٹ کی جانب سے مودی حکومت کو بڑا دھچکا، کسانوں کے حق میں بڑا فیصلہ سنا دیا

بھارتی سپریم کورٹ کی جانب سے مودی حکومت کو بڑا دھچکا، کسانوں کے حق میں بڑا فیصلہ سنا دیا

بھارتی سپریم کورٹ کی جانب سے اس وقت مودی حکومت کو شدید دھچکا لگا جب کورٹ نے متنازع زرعی قوانین کے خلاف جاری کسانوں کا احتجاج رکوانے کی مودی حکومت کی درخواست کو مسترد کردیا۔

موصولہ اطلاعات کے مطابق بھارتی سپریم کورٹ نے متنازع زرعی قوانین کے خلاف جاری کسانوں کا احتجاج رکوانے کی مودی سرکار کی درخواست مسترد کردی ہے، بھارت میں متنازع زرعی قوانین کے خلاف کسانوں کا احتجاج تئیسویں روز بھی جاری ہے، کسان تحریک سے متعلق سپریم کورٹ میں سماعت کے دوران بھارتی چیف جسٹس نے کہا ہے کہ کسانوں کو احتجاج کرنے کا حق حاصل ہے اور عدالت کے مطابق احتجاج قومی مسئلہ بن سکتا ہے۔

ادھر بھارت میں جاری کسانوں کی احتجاجی تحریک مودی سرکار کیلئے درد سر بن گئی، بھارتی کسانوں کا ملک گیر احتجاج تین ہفتوں سے جاری ہے، دارالحکومت نئی دہلی کے اطراف میں ہزاروں کسان دھرنا دیے بیٹھے ہیں، نئی دہلی کو دوسری ریاستوں سے ملانے والی قومی شاہراہ بند ہونے سے ٹریفک کے نظام اورمعاشی سرگرمیوں کو شدید دھچکا لگا ہے۔

بھارتی حکومت مظاہرین کے مطالبات پر سنجیدگی سے مذاکرات کرنے کے بجائے احتجاج کو منتشر کرنے کی کوششوں میں مصروف ہے، اسی سلسلے میں مودی حکومت نے بھارتی سپریم کورٹ سے رجوح کیا، متنازع زرعی قوانین کے خلاف کیس کی سماعت دوران چیف جسٹس نے واضح کیا کہ کسانوں کو احتجاج کرنے کا حق حاصل ہے اور بھارت میں جاری یہ تحریک قومی مسئلہ بن سکتی ہے۔

دوسری جانب دہلی اسمبلی میں کسانوں کی تحریک پر بلائے گئے اجلاس کے دوران وزیراعلیٰ اروند کیجریوال نے متنازع زرعی قوانین کی کاپیاں پھاڑدیں، حکومت اور احتجاجی کسانوں کے درمیان بات چیت کے چھ دور ناکام ہوچکے ہیں، ۔

جواب چھوڑ دیں

براہ مہربانی اپنی رائے درج کریں!
اپنا نام یہاں درج کریں